६ जेष्ठ २०७९, शुक्रबार

इरानमा कोरोना: हरेक दुई मिनेटमा एकको मृत्यु



काठमाडौं । इरानमा कोरोना भाइरसले हरेक दुई मिनेटमा एक जनाको मृत्यु भइरहेको छ । इरानका स्वास्थ्य मन्त्रालयका अनुसार यहाँ एकैदिन भेटिने नयाँ बिरामीको आँकडा समेत ४० हजार पार भएको छ।

साथै एकैदिन ६ सय जनाको रेकर्डस्तरको मृत्यु भइरहेको छ । एक रिपोर्टमा दाबी गरिएअनुसार ८.३० करोड जनसंख्या भएको इरानमा कोरोनाका कारण हरेक दुई मिनेटमा एकजनाको मृत्यु भइरहेको छ ।

त्यस्तै कोरोना बिरामीले देशका सबै अस्पताल भरिएका छन् । इरानी सञ्चारमाध्यमका अनुसार अस्पतालमा अक्सिजनको कमी भएको छ । त्यस्तै अस्पतालका भुइँ र पार्किङमा बिरामीको उपचार गर्नुपरेको छ ।



प्रतिक्रिया दिनुहोस !