असोज १२ गतेदेखि खुल्ने भयो लाइसेन्सको अनलाइन आवेदन
काठमाडौं। असोज १२ गतेदेखि सवारी चालक अनुमतिपत्र (स्मार्ट ड्राइभिङ लाइसेन्स) का लागि यातायात व्यवस्था विभागले अनलाइन आवेदन खुला गर्ने तयारी गरेको जनाएको छ ।
गत वैशाख १६ गतेदेखि बन्द भएको नयाँ लाइसेन्स आवेदन पुनः खुलाउने तयारी भएको विभागस्रोतले जनाएको छ । विभागले यसअघि लाइसेन्सका लागि ट्रायल परीक्षा सञ्चालनमा ल्याइसकेको छ ।
यसैबीच लाइसेन्स लिन बाँकी रहेका सेवाग्राहीले दशैंपछि मात्र पाउने भएका छन् । प्रिन्ट कार्ड अभाव भएपछि स्मार्ट लाइसेन्स दशैंअघि वितरण गर्न नसकिएको यातायात व्यवस्था विभागले जनाएको छ ।
अति आवश्यक परेका व्यक्तिको लाइसेन्स भने वितरण गर्ने गरिएको छ । शान्ति सेना, वैदेशिक रोजगार तथा वैदेशिक अध्ययनमा जाने खालका व्यक्तिको लाइसेन्स भने वितरण भइरहेको जनाएको छ ।
