छोरीलाई कुटपिट गर्दै बलात्कार गरेको आरोपमा बाबु पक्राउ
१५ माघ, काठमाडौं । आफ्नै छोरीलाई कुटपिट गर्दै बलात्कार गरेको आरोपमा बाबु पक्राउ परेका छन् ।
काठमाडौंमा बलात्कार गरेर फरार भएको तिव्यक्ति जनकपुरधामबाट पक्राउ परेको हो ।
गत माघ १३ गते आफ्नै छोरीलाई बलात्कार गरेको आरोपमा काठमाडौंको गोकर्णेश्वर नगरपालिका-५ जम्बुडाँडा बस्ने एक व्यक्तिलाई बिहीबार जनकपुरधामको रमानन्द चोकबाट पक्राउ गरिएको छ ।
धनुषाको कमला नगरपालिका ५ स्थायी घर भएका उनले छोरीलाई कुटपिट गर्दै बलात्कार गरेर फरार भएको भन्दै बालिकाकी आमाले महानगरीय प्रहरी वृत्त बौद्धमा निवेदन दिएकी थिइन् ।
वृत्तले उनलाई पक्राउ गर्न जिल्ला प्रहरी कार्यालय धनुषालाई पत्राचार गरेको आधारमा खोजतलास गरिएको थियो । खोजतलास गर्ने क्रममा उनलाई पक्राउ गरी प्रहरी वृत्त काठमाडौं पठाइएको धनुषा प्रहरीका प्रबक्ता मकेन्द्र मिश्रले बताए ।
